L-għan ta' din il-website hu li jagħti ħarsa ġenerali komprensiva ta' l-attivitajiet tagħna. Din hija l-aktar għodda ta' komunikazzjoni importanti tagħna, li hi strutturata kif ġej:
- EDPS - ħarsa ġenerali ta' l-istituzzjoni u r-responsabbiltajiet tagħha; inkluża informazzjoni dwar il-membri maħtura u l-leġislazzjoni li tistabbilixxi l-uffiċċju.
- Superviżjoni - deskrizzjoni dettaljata dwar waħda mill-attivitajiet ewlenin tagħna - li niggarantixxu li l-istituzzjonijiet u l-korpi ta' l-UE jħarsu d-dritt fundamentali tal-protezzjoni tad-data personali. Din it-taqsima tinkludi Opinjonijiet dwar verifiki minn qabel, tagħrif dwar kif għandu jsir ilment, deċiżjonijiet dwar ilmenti eċċ.
- Pariri - ħarsa ġenerali ta' l-Opinjonijiet, dokumenti ta' sfond u dokumenti ta' ħidma fit-tieni attività ewlenija tagħna; li nagħtu pariri dwar proposti għal leġislazzjoni ġdida li għandha impatt fuq il-protezzjoni tad-data personali.
- Kooperazzjoni - deskrizzjoni tal-kooperazzjoni ma' atturi rilevanti oħra f'dan il-qasam; ma' l-Awtoritajiet nazzjonali Ewropej għall-Protezzjoni tad-Data (fil-qafas tal-grupp ta' l-Artikolu 29, eċċ), ma' l-istituzzjonijiet u l-korpi ta' l-UE, kif ukoll fuq il-livell internazzjonali.
Il-website fiha wkoll folders speċifiċi: wieħed bid-dokumenti adottati u d-dokumenti ta' ħidma kollha; wieħed għall-ġurnalisti; wieħed għall-mistoqsijiet komuni; wieħed għal min jaħdem fl-EDPS, eċċ.
Il-lingwi ta' ħidma ewlenin tal-website tagħna huma l-Ingliż u l-Franċiż - sfortunatament m'aħniex f'pożizzjoni li nipprovdu l-informazzjoni kollha fl-23 lingwa uffiċjali ta' l-UE. Madankollu, dokumenti aktar importanti, bħalma huma leġislazzjoni, opinjonijiet dwar proposti għal leġislazzjoni ġdida, rapporti annwali u fuljetti ta' informazzjoni huma disponibbli fil-lingwi uffiċjali kollha.
Agħżel il-lingwa biex tkompli:
EN FR
EDPS - il-gwardjan Ewropew tal-protezzjoni tad-data personali 
